پاکستان کے سابق کپتان سرفراز احمد نے شعیب ملک اور مصباح الحق کو پیچھے چھوڑتے ہوئے پاکستان کے سب سے کامیاب ٹی 20 کپتان بن گۓ ۔
سرفراز احمد ، جو اس وقت جاری قومی ٹی 20 کپ میں سندھ کی کپتانی کر رہے ہیں ، نے 86 فتوحات حاصل کی ہیں ، جو ٹی 20 میں پاکستانی کپتانوں میں سب سے زیادہ ہیں۔
قومی ٹی 20 کپ کے پہلے مرحلے کے بعد سرفراز کی ٹیم سندھ اس وقت پوائنٹس ٹیبل پر سرفہرست ہے۔
61.4 کی جیت کی شرح کے ساتھ ، 34 سالہ سرفراز نے 140 میچوں میں سے 86میں فتوحات حاصل کی ہیں ۔ اس نے شعیب ملک کو پیچھے چھوڑ دیا ، جنہوں نے 133 گیمز میں 85 فتوحات حاصل کیں۔
یاد رہے پاکستان نے سرفراز کی کپتانی میں ٹی ٹوئنٹی میں مسلسل 11 سیریز جیتی تھیں جو کہ اب تک ایک ریکارڈ ہے۔
0 تبصرے