نیوزی لینڈ کی جانب سے ان کا دورہ پاکستان منسوخ کرنے کے فیصلے کے بعد پاکستان کرکٹ بورڈ کو لاکھوں ڈالر کا نقصان ہونے کا خدشہ .ایک اندازے کے مطا بق پاکستان کرکٹ بورڈ کو
نیوزی لینڈ کی جانب سے اچانک اپنا دورہ پاکستان منسوخ کر نے سے 12سے 13 لاکھ ڈالر کا نقصان ہوگا .
پی سی بی کے ایک عہدیدار نے بتایا کہ یہ پی سی بی ، حکومت اور سیکورٹی ایجنسیوں کی جانب سے پاکستان میں بین الاقوامی کرکٹ کو مکمل طور پر بحال کرنے کی کوششوں کے لیے ایک دھچکا ہے۔
عہدیدار کے مطابق نیوزی لینڈ کا دورہ پاکستان منسوخ کرنے کے معاملے کو آئی سی سی میں اٹھانا بیکار ہوگا۔عہدیدار نے مزید کہا کہ ان معاملات میں آئی سی سی نے کچھ نہیں کیا۔ اس کے علاوہ ، آئی سی سی میں بھارتی لابی کی طاقت کو دیکھتے ہوئے ، پی سی بی کے لیے نیوزی لینڈ کے خلاف کسی بھی معاوضے کا کیس جیتنا مشکل ہوگا۔
آئی سی سی قوانین کے مطابق پاکستان کرکٹ بورڈ آئی سی سی کے ''تنازعات کے حل کی کمیٹی" میں نیوزی لینڈ کرکٹ بورڈ کے خلاف مقدمہ کرسکتا ہے۔
0 تبصرے